Vanylven kommune har teikna kollektiv ulykkesforsikring av barn i barnehagar, SFO og elevar i grunnskulen.

Skadar som oppstår i skuletida vert vanlegvis dekka fullt ut av NAV, så slike skadar er likestilt med yrkesskade. Vi  ved skulen fyller ut skademelding til NAV dersom det oppstår ein skade som krev legebesøk. Likevel opplever vi av og til at eleven seier at det går bra, men så viser det seg at skaden likevel bør ha legetilsyn ein dag eller to etter. Då er det berre å ta kontakt, så ordnar vi med skademelding. I tvilstilfelle skal skademelding skrivast.

Skademeldingsskjemaet til forsikringsselskapet må de fylle ut sjølve. Dette finn de i venstremargen. Har de teikna eigen forsikring gjennom KLP, så finn de fleire og meir spesifiserte skademeldingsskjema her.