Onsdag 30.april var 5.klasse ved Åheim skule på bedriftsbesøk hos Sibelco. 5.klassingane hadde i veke forut hatt om bergartar og mineral og lært om korleis desse har vorte til. Dette botna då ut i eit besøk på Sibelco, for å få betre kjennskap til kva som skjer med olivinsteinen etter at han er henta ut av fjellet.
Helge Takset møtte oss i porten. Etter at vi hadde fått utdelt verneutstyr som refleksvest, hjelm og briller, vart det ei omvisningsrunde over heile anlegget. Vi starta i sandanlegget, noko elevane synte stor interresse for. Vidare var vi innom både lager, den gamle steinfabrikken, laboratoriet og ulike verkstadar. Det var mykje spennande å sjå.
Vi avslutta det heile med litt bildeframsyning og mat og drikke. Det var veldig fornøgde elevar som takka for seg - ein lærerik dag for både store og små!