Torsdag 27.11 kom bulyst-koordinator og FAU-leiar Espen Wingaard med fargerik ull og grønsåpe for å lære store og små å tove ting av ull.
Det var laga til med langbord i gymsalen på Eidså-tun. Her fekk vi grundig opplæring i kunsten å tove fine sitte-underlag (3. og 4. klasse) og tove troll av ein mangefarga ull-ball (1. og 2. klasse). Vi brukte fleire timar på å tove saman ullstykka ved hjelp av grønsåpe og vatn. Innimellom måtte vi ha matpause og leikar for å samle ny energi. Espen var ein veldig flink instruktør! TAKK for ein kjekk og annleis skuledag!