Julestemninga var på topp då 1.klasse opna det heile med eit koseleg st. Lucia tog. Elles song 1.klasse (med hjelp av to kjekke fadderar frå 6.klasse)også ein juletrall. 2.klasse song juleevangeliet for oss og 3.klasse tente lys og hadde eit koseleg julespel saman med 4.klasse om at jula kan vere nokså urettferdig. 5.klasse hadde eit artig julespel som viste oss ulike syn på jula. Dette var eit kjekt julespel som dei fleste lo godt av. 6. og 7. klasse hadde julespelet piken med svovelstikkene. Det var eit trist, men godt gjennomført skodespel.

Der var to kjekke programledarar som losa oss gjennom det heile og ein lys- og lydmann som gjorde det heile litt meir spennande og stemningsfullt. Inn i mellom innslaga fekk vi høyre vakker song frå barnekoret 2018, som bestod av heile barneskulen. Der var også allsong, loddtrekning og diverse kaker og anna god mat.